Þórarinn Lárusson

Höfundur fékk snemma áhuga á landsbyggðarmálum, eins og títt er um aðflutt fólk ,,að sunnan" út í dreifbýlið.

Var í stjórn og um skeið formaður Samtaka um jafnrétti milli landshluta (SJL), síðar Byggðahreyfingarinnar Útvarðar, sem gaf út samnefnt tímarit (11 tbl. frá 1986-1992) um baráttumál sín, sem snérist að mestu um að koma á efldu sveitarstjórnarkerfi með tilkomu millistigs í stjórnsýslunni, gjarna nefnt þriðja stjórnsýslustigið, ásamt stórauknu vægi persónukjörs.

Eftir alþingiskosningarnar 1987, þar sem Þjóðarflokkurinn, sem átti tilveru sína og framboð undir forystufólki, sem missti móðinn í þverpólitísku grasrótarstarfi SJL, var algerlega knésettur.  Eftir það átti hreyfingin sjálf sér að ósekju engrar viðreisnar von í raun og veru, þrátt fyrir digga baráttu, enda makvisst unnið  gegn öllum slíkum hugmyndum af embættismannakerfi stjórnsýslunnar.  Var t.d. sett á laggirnar Sameiningarnefnd sveitarfélaga, aðgerð mjög þóknanleg kerfinu, þar sem notkun orða eins og þriðja stjórnsýslustigið og héraðavaldssvæði eða fylki, voru nánast bannfærð.

Höfundur hefur verið í stjórn byggðahreyfingarinnar Landsbyggðin lifi (LBL) og nú nýverið formaður hennar. Stefnt er ákveðið að því, í samstarfi við ýmis félagasamtök að hleypa af stokkunum, vítt um land á fyrsta ársfjórðungi 2009, fundarherferð um málefni, sem tengjast því að lifa af landsins gæðum og eflingu lýðræðis og byrja á Akureyri áður en langt um líður.

Um þetta og starfsemi LBL yfirleitt má fræðast á heimasíðunni www.landlif.is

Er einnig formaður í Framfarafélagi Fjótsdalshéraðs, sem einnig er eitt aðildarfélaga í LBL.